Aeroporti Ndërkombëtar i Prishtinës “Adem Jashari” ka marrë një kërcënim me bombë. Lajmin e ka konfirmuar zëdhënësja e ANP-së, Valentina Gara, e cila ka bërë me dije se udhëtarët dhe personeli janë evakuuar.
“Konfirmojmë se kemi pranuar një kërcenim me bombë. Udhëtarët dhe personeli janë evakuar dhe janë të sigurt. Ekipet e përfshira në planin emergjent janë duke kryer detyrat e tyre”, ka shkruar Gara.
