Kryeministri Edi Rama ka reaguar në lidhje me situatën në veri të Kosovës dhe heqjen e barrikadave.
Në një postim në Twitter, Rama u tregua ironik me deklaratat e ministrit serb Ivica Daçiç i cili tha dje se barrikadat ishin një mënyrë e protestës paqësore.
Rama deklaroi se pas 434 vjetësh barrikadat morën një kuptim të ri, ndërsa shtoi se shpreson që aleatët ndërkombëtarë të mos kishin të njejtin mendim.
Postimi i plotë:
Asgjë e re, shfaqja zgjati ca më shumë, tensioni u ngrit ca më lart, fjalët u këmbyen me ca më shumë zjarr, manovrat ushtarake patën ca më shumë hov, po fundi qe po i njëjti dhe të gjithë u kthyen në shtëpi, sekush me fitoren e vet me vete si gjithmonë!Ah po, diçka e padëgjuar ndodhi! Doli kuptimi i ri i barrikadës, e cila pas 434 vjetësh hyri në listën e mjeteve të protestës paqësore me bekimin e BE dhe të SHBA! Shpresojmë në mirëkuptimin e aleatëve tanë strategjikë për të mos qenë dakord në këtë pikë. Po fare!Pyetja mbeti po ajo që ishte përpara këtyre barrikadave paqësore e deklaratave armiqësore! Dhe deri kur përgjigjet e ndryshme të nisen po njësoj nga e shkuara, pyetja do të mbetet po aty edhe pas shfaqjes së rradhës, kur barrikadat të thyejnë paqësisht monotoninë e hiçzgjidhjes!
