Emigrantë të shumtë kanë shfrytëzuar këtë fundjavë për t’u kthyer në vendet e punës në Greqi, teksa pika kufitare e Kapshticës ka pasur fluks të shtuar.
Mësohet se shkak është bërë shërbimi i kufizuar nga pala greke, e cila aktualisht nuk po punon me kapacitete të plota duke krijuar vonesa.
Sipas informacioneve pala shqiptare e kufirit është duke punuar me 5 sportele në dalje ndërkohë vetëm me 1 ajo greke.
Këto ditë të para janari fluksi vjen edhe për shkak të largimit të shumtë të emigrantëve të cilët kaluan festat në Shqipëri.