Reshjet e shiut që përfshinë vendin tonë gjatë 48 orëve të fundit kanë shkaktuar rënie të inerteve në trupin e rrugës në disa akse.
Autoriteti Rrugor Shqiptar (ARRSH) bëri të ditur se kontraktorët me mjete dhe punëtorë ishin në terren duke punuar për pastrimin e inerteve dhe të veprave të kullimit.
Sipas ARRSH-së, të gjitha akset rrugore janë të hapura dhe qarkullimi i mjeteve është kryer pa probleme.
