Astrit Demollari prezantohet shefi i ri i Komisariatit Puke

Thursday, 06 September 2012 14:14 Politike
Print PDF

Astrit Demollari do te jete shefi i ri i Komisariatit te Policise ne rrethin e Pukes. Zyrtarizimi i tij eshte bere nga drejtori i pergjithshem i policise se shtetit ndersa prezantimi i Demollarit para uniformave blu te Pukes eshte bere nga drejtori i pergjithshem i policise se qarkut Shkoder, Altin Qato. Komisariati i Pukes muajt e fundit ishte ne qender te vemendjes pas ngjarjes ne Mardhnac ku u vrane 2 vellezer dhe u plagosen 3 shtetas te tjere. Menjehere pas padise se avokatit te popullit, u pezullua nga detyra ish shefi i ketij komisariati Ridvan Bushati dhe 3 oficere, por me pas Bushati fitoi te drejten e rikthimit ne detyre nga gjykata e Apelit ne Shkoder, pas apelimit te vendimit te gjykates se Pukes. Pak dite pas pezullimit te Bushatit, ne Puke u be komandimi i Muhamet Zekes ne kete detyre, i cili qendroi per nje periudhe te shkurter. Mesohet se Demollari ka qene per nje periudhe kohe pjese e sektorit te antiterrorit ne Ministrine e Brendshme, e me pas kaloi ne detyren e  shefit te komisariatit te Devollit. Astrit Demollari ka qene rreth viteve 1994 – 1995 edhe shef i komisariatit te Shkodres, ndersa ka patur pervoje te gjate ne drejtimin e disa komisariateve ne vend, edhe gjate periudha te veshtira qe ka kaluar vendi yne. Gjate fjales se tij para uniformave blu te Pukes ai ka theksuar se do te punoje me korrektesi per te permbushur sa me mire detyren e besuar, duke forcuar rendin e sigurine ne kete rreth. Akoma nuk dihet se ne cfare detyre pas emerimit te shefit te ri ne Puke, do te shkoje Ridvan Bushati i cili fitoi rikthimin ne detyre nga Apeli i Shkodres. Burime nga drejtoria e Policise bejne te ditur per tv1 channel se vendimi i gjykates i eshte dorezuar drejtorit te Pergjithshem te Policise se Shtetit Hysni Burgaj dhe do te jete ky i fundit qe do te marre ne ditet ne vijim vendimin per caktimin e nje detyre tjeter per Ridvan Bushatin.