Kronika


Aksident ne Parruce, plagosen 2 te rinj

Sunday, 04 November 2012 13:54 Politike
Print PDF

2 persona kane mbetur te plagosur mbremjen e se shtunes, pas nje aksidenti te rende te ndodhur ne qender te qytetit te Shkodres. Ka qene ora 21.00 kur ne bulevardin “Zogu i Pare” ne Parruce nje motorciklete e drejtuar nga 20 vjeçari E. Nikolla ka humbur kontrollin dhe per pasoje eshte zvarritur per disa metra ne rrugen kryesore. Sipas policise i riu po udhetonte ne motorr se bashku me nje person tjeter, nje vajze identiteti i se ciles nuk behet i ditur, por qe kjo e fundit ka marre vetem disa plage te lehta ne trup. Ajo eshte larguar menjehere nga vendi i ngjarjes, nderkohe qe 20 vjeçari eshte derguar me urgjence ne spitalin rajonal te Shkodres. Sipas bluzave te bardha qe po kujdesen per te riun dhe i kane dhene ndihmen e pare, ai ka pesuar demtime te shumta ne trup si pasoje e goditjes se forte me trotuarin dhe motorcikleten dhe ndodhet ne gjendje te rende ne reanimacionin e spitalit te Shkodres. Aktualisht po i jepet e gjithe ndihma e duhur sqarojne mjeket qe po kujdesen per 20 vjecarin, qe eshte ne gjendje kritike per jeten. Ne vendin e ngjarjes nderkohe kane mberritur sherbimet policore se bashku me grupin hetimor, qe ka nisur hetimet per te zbardhur shkaqet e ketij aksidenti. Ndonese nuk ka akoma nje version zyrtar, burime nga grupi hetimor, pasi kane pyetur edhe deshmitare ne vendngjarje, bejne te ditur se i riu ka qene duke levizur me shpejtesi dhe per pasoje ka humbur kontrollin e motorçikletes duke u perplasur fuqishem ne toke. Hetimet nga ekspertet e drejtorise se policise vijojne per te zbardhur te plote shkaqet e ketij aksidenti. Tashme ne rruget tona, aksidentet po kthehen ne shqetesim serioz, duke rrezikuar jeten e banoreve.

 

Aksidentohet një 50 vjeçar, largohet mjeti

Thursday, 01 November 2012 13:45 Politike
Print PDF

Mbrëmë rreth orës 22:00 në afërsi të Bexhistenit në hyrje të qytetit të Shkodrës, një automjet ka përplasur një 50 vjeçar identiteti i të cilit nuk dihet. Menjëherë në vend ngjarje kanë mbërritur policia rrugore e cila pasi ka bërë transportimit e 50 vjeçarit për në Spitalin e Shkodres nga plagët e marra ka ndrruar jetë gjatë transportit për në Tiranë. Policia e Shkodrës bënë të ditur se 50 vjeçari ka qenë në këmbë në momentin e përplasjes, ka të veshtur një palë pantallona ngjyr kafe, dhe një xhup gri, a asnjë lloj dokumenti identifikues. Trupi i pa jetë i tij ndodhët në Morgun e Spitalit Rajonal të Shkodrës. Policia e Shkodrës po punon për gjetjen dhe identifikimin e autorit të këtij aksidenti i cili është larguar nga vendi i ngjarjes. Ndërkaq ende nuk dihet identiteti i viktimes, pasi deri më tani në komisariatin e policisë Shkodër apo edhe nëpër postat policore të qarkut nuk ka mbërritur denoncimi rreth humbjes së ndonjë personi. Nga ana e policisë në bazë edhe të dëshmive të marra nga dëshmitarët ocular në vend ngjarje, rreth llojit të mjetit dhe targave, mësohet së është bërë i mundur identifikimi i mjetit ndërsa po punohet për arrestimin e drejtuesit të mjetit.

 

 

 

5 të arrestuar në 76 orë

Thursday, 01 November 2012 13:35 Politike
Print PDF

5 shtetas janë vënë në pranga të policisë së Shkodres gjatë 76 orëve të fundit. Zëdhënësja e Drejtorisë së Policisë së Qarkut Shkodër Fatbardha Çelepia përmes një komunikimi me mediat ka bërë të ditur se masat e marra janë me qellim shtimin e sigurisë në rajonin tone.

Në kuadër të këtyre masave të ndërmarra sëfundmi, brënda një harku të shkurtër kohor, konkretisht brënda 72 orëve të fundit, nga forcat policore është bërë e mundur kapja dhe arrestimi i gjithesej 5 shtetsve, si dhe shpallja në kërkim e një shtetasi, shtetas këto te cilët kanë konsumuar vepra të ndyshme penale si vjedhje, armëbjatje pa jele, kanosje etj., konkretisht  me datë 30.10.2012:

Eshtë arrestuar shtetasi Sokol Gjin Marashi, vjeç 24, banues në fshatin Grude e Re, Komuna Rrethina si dhe është shpallur ne kërkim shtetasi Vasel  Lush Koçeku,  vjeç 19, banues në  fshatin Vrakë, komuna Gruemire, Malesi e Madhe, për vjedhje në bashkëpunim

Eshtë vënë në pranga shtetasi Mhill  Zef Hasanaj ,vjeç 49, banues ne lagjen Skenderbeg, Shkoder, pasi ka kanosur e më pas ka tentuar të gaodasë më thikë djalin e tij 16 vjeçar.

Eshtë kapur dhe arrestuar në flagrancë shtetasit Shefqet Sait Molla ,vjeç 64, banues ne Fshatin Dobraç, Komuna Rrethina Shkoder, pasi në mjëtin  e tij iu sekuestrua një armë zjarri pitoletë

Ndërkohë mbrëmë me dt 31.10.2012, ora 19.15, u bë arrestimi në flagrancë i shtetasit: Sabah Berhan Pervizi, 25 vjec, banues në fshatin Bushat, Komuna Bushat, Shkoder, pasi në lagjen Skenderbeg të qyteti Shkoder, eshte kapur duke qarkulluar me një armë zjarri pistolete pa leje, e cila iu sekuestrua në cilësinë e provës materiale.

Materialet proceduriale i kaluan Prokurorisë së Rrethit Gjyqësor Shkodër, për veprime të mëtejshme.

 

 

Arrest me burg për Fatjon Haxhanin

Thursday, 18 October 2012 12:59 Politike
Print PDF

Gjykata e Shkallës së Parë Shkodër ka dhënë masen e sigurisë arrest me burg për shtetasin Fatjon Haxhani nga fshati Kosmaç i rrethit shkodër për vrasjen e shtetasit Luan Sulejmani.  Fatjon Haxhani para trupit gjykues i cili kryesohej nga gjykatës Besart Kaçkini ka pranuar krimin, duke deklaruar se ka qenë moment nervozizmi pas debatit me viktimen. Ndërsa ka shafqur edhe pendesen për krimin dhe vrasjen e 39 vjeçarit, si dhe i ka kërkuar falje familjes. Avokati mbrojtës i ka kërkuar trupit gjykues të vendos për masen e sigurisë, ndërsa prokurorja e çështjes Françeska Lekani ka kërkuar masen e sigurisë arrest me burg.  Ngjarja e rëndë ka ndodhur në fshatin Kosmaç të Komunës Bushat të Rrethit Shkodër, në lokalin e viktimës 39 vjeçarit Luan Sulejmani pasi ky i fundit ka dashur ta mbyll lokalin duke i kërkuar Fatjon Haxhanit të largohet, cka ka ndeshur në kundërshtimin e tij. Fatjon Haxhani është larguar për tu rikthyer pas pak minutash me një armë zjarri automatik me qëllim ekzekutimin e 39 vjeçarit Luan Sulejmanit. Fatjon Haxhani ka qenë i denuar me parë për armëmbajtje pa leje, ndërsa ndaj tij rëndon akuza e “ Vrasjes me dashje” dhe e” Mbajtjes pa leje të armëve dhe municioneve ushtarake”.

 

Sekuestrohen 29.5 kg droge, 1 ne pranga 1 ne kerkim

Thursday, 18 October 2012 12:33 Politike
Print PDF

Nje person kane rene ne pranga, ndersa jane sekuestruar 29. 5 lende narkotike, gjate dy operacioneve anti-droge nga blute e qytetit te Shkodres. Operacioni i pare policor i koduar "Kryqezimi" solli arrestimin e shtetasit Marjan Nika, 30 vjeç, te cilit i eshte kapur dhe sekuestruar 2.5 kilogram canabis sativa. Në sajë të një operacioni të mirëorganizuar te koduar “KRYQËZIMI” nga Seksioni Kundër Narkotikëve në bashkëpunim me forcat e Drejtorisë së Policisë Qarkut Shkoder, u bë e mundur arrestimi në flagrancë i shtetasit Marjan Nika, 30 vjeç, lindur në Pult dhe banues në fshatin Grudë e Re, Komuna Rrethina Shkoder. Arrestimi i tij u bë pasi, gjatë kontrollit të ushtruar në automejtin e tij tip BMW X5, me targa BX 519 DN, u gjetën dhe u sekuestruan në cilësinë e provës materiale 4  pako të mbështjella me plasmas transparent, të mbushura me lëndë narkotike të dyshuar si cannabis sattiva, ku pas peshimit, rezultoi të kishin gjithsej një peshe prej 2.5  kg. Ndalimi i këtij shtetasi u bë pikërisht në vendin e quajtur kryqëzimi i Spitaleve, Shkoder, në bazë të informacioneve të marra se ilarpërmenduri kishte fshehur lëndë narkotike në automjetin e tij. Nderkohe ne operacionin e dyte policor, te koduar "Periferia" u sekuestrua 27 kg canabis sativa brenda nje automjeti nen pronesine e shtetasit Martin Fusha, 22 vjeç, person ky qe eshte shpallur ne kerkim nga efektivet e Shkodres. Konkretisht në bazë të informacioneve të marra, në aksin rrugor Mes – Prekal, nga shëbimet e Seksioni Kundër Narkotikëve në Drejtorinë e policisë Qarkut Shkoder, u ngrit një postobllok për ndalimin e një mjeti i cili dyshohej se trasportonte lëndë narkotike. Drejtuesi i mjetit tip benz furgon me traga SH 12 28 E, iu shmang forcave policore duke u larguar nga vendi i ngjarjes dhe duke qenë në ndjekje të shërbimeve policore, pak kilometra më tutje braktisi dhe mjetin. Ndërkohe në vendit ku u gjend mjeti i braktisur, gjatë kontrollit të ushtruar u gjetën dhe u sekuestruan në cilësinë e provës materiale 5 thasë të mbushura me lëndë narkotike të dyshuar si cannabis sattiva, me peshë gjithsej 27 kg. Falë hetimeve të kryera, u bë e mundur identifikimi i autorit të dyshura të ngajrjes shtetasit Martin Gjyvalin Fusha, 22 vjeç, për të cilin u bë shpallja në kërkim e po punonte intensivisht për kapjen e tij. Në lidhje me ngjarjet në fjalë policía ka kryer të gjitha veprimet e duhura hetimore e proceduriale dhe materialet në ngarkim dy shtetasve të lartpërmendur, ia ka kaluar për ndjekje të mëtejshme prokurorisë së Rrethit Gjyqësor Shkoder, për veprën penale “ Prodhim dhe shitje të narkotikëve.


 

Plagoset me armë zjarri Muhamed Kurmemaj

Tuesday, 16 October 2012 12:17 Politike
Print PDF

50 vjeçari Muhamed Kurmemi është plagosur me armë zjarri teksa po shkonte në Shirokë. Policia në vend ngjarje ka bërë të ditur se shkak mund të ketë qenë një konflikt  mes 50 vjeçari dhe personit i cili duket se ka qenë me makin kur ka shtëne ndaj tij.  Nga informacionet e para është mësuar se dy palët kanë qenë duke udhëtuar në drejtime të kundërta kur janë ndeshur në rrugë dhe më pas kanë shkrehur armët ndaj njëri tjetrit. Policia në vendngjarje e ka pasur të vështirë gjetjen e vendit të ngjarjes pasi dy palët nuk kanë lënë gjurme pasi duket se kanë qenë me automjete. 50 vjeçari është transportuar në spitalin e Shkodrës nga një kalimtar i rastit i cili ka sqaruar se ka dëgjuar të shtënat, ndërkaq policia në vendngjarje shprehet se është ende e paqartë rrethana e plagosjes së 50 vjeçarit. Pista e ndonjë hakmarrje përjashtohet. Muhamed Kurmemaj ndodhet në spitalin e Shkodrës jashtë rrezikut për jetën.

 

Vritet pronari i një lokali në Kosmaç

Monday, 15 October 2012 13:30 Politike
Print PDF

Ekzekutohet me 10 plumba automatiku në lokalin e tij 39 vjeçari Luan Sulejmani  ndërsa autori është Fatjon Haxhani. Ngjarja e rëndë ka ndodhur rreth orës 22:00 kur mes viktimës dhe autorit të ketë nisur zënka. Sipas dëshmitarëve okular të ngjarjes viktima i ka kërkuar autorit të largohet nga lokali pasi donte ta mbyllte cka është kundërshtuar nga autori dhe pas debateve mes tyre. 29 vjeçari Fatjon Haxhani është larguar për të marrë armën e zjarrit duke u kthyer vetëm pak minuta më vonë. Sapo ka hyrë në lokal ka gjetur viktimen prapa banakut të lokalit dhe ndaj tij mësohet të ketë shkrepur dhjetë plumba të cilët e kanë lënë të vdekur në vend. Ndërsa  edhe ndaj klientëve të cilët ndodheshin në lokal mësohet të ketë drejtuar armën e zjarrit. Uniformat blu vetëm pak minuta pasi ka kryer krimin kanë arrestuar në flagrancë 30 vjeçarin së bashku me armën e zjarrit. Fatjon Haxhani ka qenë i dënuar më parë për vepren penale të armë mbajtjes. Mësohet se 29 vjeçari është kthyer në shtëpinë e tij dhe mbi catin e shtëpisë të ketë përgatitur priten e ndaj policisë, por falë veprimeve të shpejta të policisë është bërë e mundur arrestimi i tij. Luan Sulejmani ka qenë i martuar dhe është babai i një vajze.

 

Aksident në Bahçallek

Saturday, 13 October 2012 12:48 Politike
Print PDF

Një automjet me targa të Podgoricës ka aksidentuar dy kuaj.  Ngjarja ka nodhdur pak pas mesnatës në aksin rrugor Shkodër-Lezhë në segmentin e Bahçallekut. Dy kuajt janë lënë të ngordhur në vend pasi dyshohet se errësira në këtë zonë shiu me stuhi i rënë gjatë natës dhe shpejtësia e mjetit i cili ishte duke u kthyer nga Tirana në drejtim të Podgoricës të kenë qenë shkaktarët kryesor të aksidentit. Ajo që të bie në sy në këtë aksident më së shumti është mungesa e vëmendjes se kompetentëve ndaj dy kuajve të cilët copëtohen nga qenët e rrugës dhe askush nga moment i aksidentit që kanë kaluar mbi 12 orë nuk kujdeset që ti largoj. Sipas policisë e cila ka mbërritur në vend ngjarje kuajt kanë qenë në rrugë dhe stuhia e madhe ka ndikuar në mungesën e qartësisë së rrugës, çka ka shkaktuar ndaj mjetit vetëm dëmë materiale ndërsa dy kuajt kanë ngordhur menjëhërë. Edhe pse  kuajt  janë vërejtur që në mëngjes nga organet komeptente askush nuk ka marrë mundimin ti largoje nga ajo zonë, pa cka se janë një pamje tmerrshme në hyrje dhe dalje të qytetit të Shkodrës.

 

Në pranga Vido Dakaj dhe Can Tollozi

Friday, 12 October 2012 13:11 Politike
Print PDF

Një i arrestuar për kundërshtim të punonjësit të policisë dhe një tjetër për veprime në kundërshtim me vendimin e gjykatës, është ky bilanci i arrestimeve në Shkodër. Forcat e Komisariatit të Policisë Shkoder, u bë arrestimi në flagrancë i shtetasit Vido Gjon Dakaj 25 vjeç, banues në fshatin Hot i Ri, Komuna rrethina Shkodër. Arrestimi i tij u bë për arsye se ky shtetas  ka shkuar në Spitalin Rajonal Shkoder, ku ndodhej i shtruar shtetasi Bert Shkambi, i cili ruhej nga patrulla e policisë (pasi është i arrestuat si autor i plagosjes së shtetasit Agustin Nika, ngjarje e ndodhur në Hot të Ri). Pasi nuk është lejuar të futej në takim me të arrestuarin, shtetasi Vido Dakaj, ka thyer xhamin e derës së repartit të spitalit dhe ka kundërshtuar  punonjësit e policisë së rendit. Sa më sipër u kryen veprimet e duhura proceduriale dhe materiales, na ngarkim të shtetasit Vido Dakaj, iu kaluan për ndjekje të mëtejshme Prokurorisë së Rrethit Gjyqësor Shkoder, për veprat penale “ Kundërshtimit të punojsit të policisë rendit” dhe “ Shkatërrim prone”. Ndërkaq  strukturat për hetimin dhe parandalimin e krimeve në Komisariatin e Policisë Shkodër, u bë arrestimi në flagrancë i shtetasit  Can Nikoll Tallozi 43 vjec, lindur në fshatin Gimaj, komuna Shalë, Shkodër dhe banues në lagje « Tre Herojt » të qytetit Shkodër. Arrestimi i këtij shtetasi u bë pasi i lartpërmenduri ka thyer vendimin e Gjykatës, në të cilin është dhënë Urdhër Mbrojtje për ish bashkshortes e tij,  duke iu afruar tek banesa e saj. Në lidhje me këtë rast u kryen veprimet e para proceduriale dhe materialet në ngakim të të arrestuarit, i kaluan Prokurorisë së Rrethit Gjyqësor Shkodër, për veprën penale të «  Veprimeve në Kundershtim me vendimin e Gjykatës ».



 


Page 29 of 84