Ne këto dite me temperatura te larta, plehrat stok ne fshatin Shtoi i Ri, 2 kilometër ne perëndim te qytetit te Shkodrës, rrezikojnë te kthehen ne vatër infeksionesh ! Sipas banoreve, problemi fillon nga Bashkia qe ka zëvendësuar kryeplakun, dhe nuk don te ia dije me njeri se çfarë behet ne ketë fshat.
Përveç plehrave, ata shprehin shqetësimin edhe për mungesën e energjisë elektrike dhe ujit te pijshëm.
Megjithëse fare pranë qytetit, thonë se akoma nuk kane provuar ndonjë gjë pozitive me kalimin nen administrimin e bashkisë, ndaj një lutje e kane për kryebashkiaken, Voltana Ademi.
Shtoji i Ri është nder fshatrat me te zgjeruara me qindra familje te njësisë administrative Rrethina, një zone kjo mjaft e njohur për prodhimin e frutave te shumëllojshme, veriteteve te ndryshme te rrushit dhe te pijeve.
