Reagime të ashpra ka shkaktuar videoja e historianit Turk realizuar përpara memorialit të heroit kombëtar Gjergj Kastrioti, ku fyhet dhe denigrohet figura e tij. Kreu i bashkisë Lezhë Fran Frrokaj i quajti dashakeqe këto qëndrime, duke dënuar aktin dhe duke u distancuar prej tyre.
Në një linjë me kryebashkiakun ka qenë edhe Imami i xhamisë së Lezhës Mois Shehi, i cili tha se historia flet vetë për veprat e Sklenderbeut, prandaj askush nuk duhet të hedh baltë mbi heroin tonë kombetarë.
Gjergj Kastrioti dhe lavdia e tij në luftën antiosmane nuk errësohet nga një “historian” turk të cilin Bashkia e Lezhës nuk do ta lejojë më që të vizitojë Memorialin, thuhet edhe në deklaratën e kësaj njesie vendore.