Udhëtoi nga Amerika e largët për të sjellë në qytetin e Shkodres një koncert të veçantë recital. Talentja e vogël, sopranoja Fiorela Miria e shoqëruar në piano nga Hermira Gjoni solli në sallën e koncerteve të shkollës së muzikës “Prenkë Jakova” interpretime brilante, të mbushura me emocion.
Drejtori i shkollës Anton Kaftalli foli me nota pozitive për talentin e sopranos së vogël por edhe përzgjedhjen e veçantë të këngëve.
Përveç sopranos Miria, gjatë koncertit performuan pjese te ndryshme muzikore të autoreve të huaj edhe nxënës të shkolles “Prenke Jakova”. Ky institucion arsimor nuk i ka ndalur aktivitetet edhe gjatë verës, duke i dhuruar një alternativë më shumë qytetit.
