Medreseja e Shkodrës është distancuar nga deklaratat e mësueses Emine Alushi, e cila bënte propagandë për organizatën terroriste ISIS gjatë një ore mësimi. Në një deklaratë për mediat, drejtori i Medresesë, Kujtim Dervishi tha se ato që janë transmetuar në video janë opinioni i mësueses dhe jo linja e shkollës. Po ashtu ai vuri ne dukje se në kohën kur janë bërë deklaratat mësuesja ishte me kohë të pjesshme dhe aktualisht ajo nuk është pjesë e stafit.
Për çeshtjen në fjalë pritet që edhe komunitetit mysliman të ketë një reagim, pasi medresetë në të gjithë vendin ndjekin linjën e këtij organi të lartë të përfaqësimit të myslimaneve.
