Trajneri i Sionit në Zvicër, Paolo Tramezani, ka marrë vetëm 12 pikë në 11 ndeshje dhe gjendet në presion të madh për pikë. Duke parë rezultatet jo të mira, në krye të listës së dëshirave të tij eshte sulmuesi shqiptar Shkëlzen Gashi.
Ish-ndihmësi i De Biasit e kërkon që nga janari Gashin dhe raportohet se sulmuesi që po aktivizohet tek Kolorado Rapids në Amerikë, është në negociata me Sionin. Por, problem mbetet paga e lartë. Te Kolorado ai fiton mbi 1 milion dollarë në vit dhe kontrata e tij është deri në 2020.