Një ditë më parë, krejt papritur Visho Ajazi Lika dha dorëheqjen nga drejtimi i institucionit më të rëndësishëm të spiunazhit në vend, e pas kësaj të shumta ishin pikëpyetjet që u ngritën. A u largua Visho Ajazi me dëshirën e tij, apo u detyrua dhe shantazhua siç pretendon opozita.
I ftuar sot në studion e lajmeve në News 24, analisti Andi Bushati është i mendimit se Visho Ajazi Lika e ka negociuar dorëheqjen e tij.
“Shefat e Shërbimeve Informative zakonisht janë njerëz që flasin pak dhe fakti që Visho Ajazi u largua pa një deklarate e ka shtuar mjegullën dhe dyshimin që ka qënë një marrëveshje apo akord me kryeministrin”,- tha Bushati