”Zgjedhjet që po mbahen në PD, po zhvillohet me urgjence dhe pa asnjë standard”. Kështu e ka konsideruar ish-numri dy i PD-së, Astrit Patozi procesin elektoral në forcën më të madhe opozitare, duke shtuar se kjo parti jo vetëm nuk frymëzon më por vetëm izolohet.
Duke nënvizuar se nuk do të marrë pjesë në kuvendin kombëtar që pritet të mblidhet në datën 15 dhjetor, Patozi vë theksin tek një forcë e re politike që duhet të ngrihet për të përfaqësuar elektoratin gri që është i zhgënjyer nga qeverisja e Edi Ramës por nuk gjen alternative te opozita aktuale.
I ftuar në emisionin 7pa5 në Vizion Plus, ish-eksponenti i PD-së ka komentuar dhe angazhimin e opozitës në protestën e banoreve të ”Unazes së Re”.