Vaksina anti-covid Pfizer kundër pandemisë COVID-19 shumë shpejt u bë një nga produktet më të shitura në historinë 172 vjeçare të kompanisë.
Kompania ndan kostot dhe përfitmit e vaksinës në mënyrë të barabartë me partnerin e saj gjerman, BioNtech.
Konkurrentët e tjerë, si Moderna dhe Johnson & Johnson , kanë hasur në probleme prodhimi, gjë që e ka ndihmuar Pfizer të zgjerojë udhëheqjen e saj në nënshkrimin e marrëveshjeve të furnizimit me vende të ndryshme.
Gjithashtu Pfizer po lëshon doza përforcuese të vaksinës dhe pritet që nga shitja e këtyre dozave shtesë të marrë 36 miliard dollarë në 2021.
Ndërsa sot kompania pret rezultatin e një takimi me rregullatorët amerikanë mbi përdorimin e vaksinës së saj tek fëmijët e moshës 5-11 vjeç.