Mutacioni ‘Omicron’ i Covid-19 i cilësuar si më i rrezikshëm se Delta ka dyshime se po qarkullon edhe në Shqipëri. Varianti i ri ka vendosur në alarm institucionet duke detyruara që ti dërgojnë mostrat për analizim jashte vendit.
Lajmin e ka bërë të ditur Ministrja e shendetesise këtë të Mërkur nga qendra e vaksinimit të përqendruar në stadiumin ‘Air Albania’
Duke folur për variantin e ri Omicron, Manastirliu tha se ISHP do të dërgojë mostrat për analizim për të parë më pas nëse ky variant ka qarkulluar apo po qarkullon në vendin tonë. ‘Instituti i Shëndetit Publik është duke punuar për të përgatitur mostrat sipas protokolleve të ECDC, për t’i çuar për t’i analizuar dhe për të vijuar më tej sekuencimin e këtyre mostrave. Për të bërë dhe ne të gjithë atë hartëzimin e nevojshëm për të vlerësuar nëse varianti Omicron qarkullon në vendin tonë dhe sigurisht ajo çfarë është më e rëndësishme është që të rrisim vigjilencën’, tha Manastirliu.
Varianti Omicron sipas ekspertëve është 3 herë më ngjitës se variantet e mëparshme që qarkullojnë në vendin tonë.
Deri më tani Covid-19 ka pësuar në 5 mutacione.
Ministrja në këtë situatë ka bërë apel për vaksinim të menjëhershëm dhe gjithëpërfshirës si e vetmja zgjidhje për të ulur infektimet masive.
© SYRI.net
