Shqipëria vijon nën dominimin e masave të ftohta polare duke diktuar mot kryesisht të qëndrueshëm për gjatë gjithë 24-orëshit ku kthjellimet do të dominojnë të gjithë territorin shqiptar.
Herë pas here do të ketë vranësira te shpeshta. Me të theksuara në zonat malore duke rrezikuar reshje të izoluara dëbore, sipas Meteoalb.
Temperaturat e ajrit do të ulen sërish në mëngjes por edhe në mesditë duke luhatur vlerat ditore nga -4°C deri në 12°C.
Era do të fryjë e forte me shpejtësi mbi 70 km/h nga drejtimi permanent Jugor si pasojë në brigjet detare do te gjenerohet dallgëzim mbi 6 ballë.
Rajoni dhe Europa
Zhvillimi i dy qendrave ciklonare ne brigjet e Mesdheut do te diktojë mot me vranësira dhe shira të dendur në gadishullin Iberik si edhe brigjet e Italisë.
Gjithashtu, reshje te dendura dëbore do të ketë sërish në Europën veriore dhe atë lindore. Alpet e Europës dhe zonat përreth tyre vijojnë me reshje dëbore por në sasi më te pakta.
Ndërsa moti i kthjellet por i ftohtë do të dominoje rajonin e Ballkanit si pasoje e masave te ftohta polare.