Komanda e Operacioneve Speciale të SHBA-së për Evropën (SOCEUR) ka vendosur të ngrejë në Shqipëri një shtab të bazës të Forcave të Operacioneve Speciale, me rotacion.
Ambasadorja e SHBA-së në Tiranë, Yuri Kim shkruan se kjo është hera e parë që ngrihet një shtab i përgjithshëm në vendin tonë. Ajo shton se kjo është një mënyrë shumë e mirë të për nisur vitin e ri dhe se një akt i tillë është me rëndësi për rajonin.
”Shkëlqyer për të nisur Vitin e Ri me zhvillime të rëndësishme në marrëdhëniet e mbrojtjes së Shteteve të Bashkuara dhe Shqipërisë. Hera e parë që Shtetet e Bashkuara vendosin një seli të këtij lloji në Shqipëri. E rëndësishme për sigurinë rajonale”.