Sekretarja e Përgjithme e Ministrisë së Brendshme, Elena Pici ka dhënë dorëheqjen ditën e sotme nga ky post.
Shkak për dorëheqjen mendohet të jenë debatet sa i përket nismës së qeverisë për konfiskimin e shtesave të pallateve dhe ndërtimeve pa leje.
Megjithatë ajo ka depozituar dorëheqjen e saj me motivin për arsye personale.
Nga ana tjetër, bëhet me dije se Ministria e Brendshme ka deklaruar se largimi i Picit ka ardhur për shkak të lëvizjeve në administratë.
Informohet se gjatë tri ditëve të fundit në Ministrinë e Brendshme ka patur debate të forta sa i takon aksionit për ndërtimet pa leje dhe shtesat.
Pici u emërua në këtë të detyrë duke zëvendësuar Plarent Ndrecën, në shtator të 2020, në atë kohë me firmë të ish ministrit Sandër Lleshaj. Ajo ka mbajtur më herët postin e koordinatores në kryeministri.
