“Nuk kam kritika për primaret”, Kryemadhi: PL ka ambicie këshillat bashkiak

Deputetja e Partisë së Lirisë, Monika Kryemadhi, theksoi edhe një herë se Partia e Lirisë në zgjedhjet e ardhshme ka ambicie këshillat bashkiak.

E pyetur në emisio nëse ka kritika për primaret e PD , ajo u shpreh se nuk ka kritika, por thotë se janë vonë.

Kryemadhi: Nuk kam kritika për primaret… ata duan të krijojnë idenë e një demokracie të brendshme brenda partisë dhe shumë Mirë bëjnë, por ne kemi prioritet tek këshillat bashkiak. Mendoj se edhe PD do jetë e hapur sa i përket përfshirjes së kandidatëve, por them se jemi vonë, por në fund të fundit këto janë përgjegjësi që duhet t’i marrin liderët e çdo partie.

S’kam parë njeri të hyjë në garë për të humbur… kandidatët mund të jenë jashtë politikës, sepse kryetari i bashkisë është figurë që unifikon. Unë kam ambicie të kem këshillin bashkiak, sepse përmes atij këshilli nuk e kaloi dot Veliaj atë vendimin dhe ka atë litarin në qafë që një herë ia shtrëngon SPAK e një herë Rama. Pra nuk është i parëndësishë.