Shën Tereza e Kalkutës ka ardhur në një formë të veçantë mbrëmjen e së premtes në teatrin “Migjeni”. Drama “Nene Tereza kur ishte Gonxhe” solli bijën e kombit Shqiptar në hapat e parë të saj të thirrjes, në jetën brenda familjes Bojaxhi në Shkup.
Në regjinë e Merita Smajës, kjo dramë erdhi e interpretuar nga aktorët Kristjana Dodaj në rolin e Gonxhes, Frederik Fistani të babait Nikollës, Raimonda Marku të nënës Drande, Eliona Shkreli të motrës Age, Eder Boshnjaku të vëllait Lazer, Simon Shkreli në rolin e doktor Shulja, Infermierja nga Sara Smaja, Kaçaku nga Astrit Fani, Lorenco nga Nikolin Ferketa. Publiku i pranishëm në sallë u njoh me momentet me kulminante të familjes Bojaxhiu, përplasjet me pushtuesit dhe krizat politike të kohës, dëshiren e madhe te Gonxhe Bojaxhiut për tu bërë murgeshë katolike dhe lidhjet e saj me Zotin.
Drama do të vijë në skenën e teatrit “Migjeni” edhe në datat 1 – 2 tetor ora 19.00.
