PS bën hapin për çtensionimin e situatës, 23 deputetët e përjashtuar do lejohen në punimet e sotme në Kuvend

Pas paralajmërimit të deputetëve të opozitës, tërhiqet mazhoranca. Anulon vendimin e përjashtimit të 23 deputetëve të opozitës.

Burime bëjnë me dije se Kryetari i Grupit Parlamentar të PD, Gazment Bardhi, ka njoftuar deputetët se zyrtarisht i është bërë me dije se është anulluar vendimi i përjashtimit të tyre nga seanca.

Njoftimi:

“Të nderuar kolegë,
Zyrtarisht jemi njoftuar nga Kuvendi që nuk do ketë asnjë pengesë për deputetët e përjashtuar për pjesëmarrje në seancë. Vendimi i përjashtimit është anulluar.” – mësohet të ketë njoftuar Bardhi kolegët.