Komisioneri për Zgjerim në Bashkimin Evropian Johannes Hahn ka vijuar valën e takimeve të tij në Shqipëri.
Raportohet se ai ka kryer një takim kokë më kokë me kreun e opozitës Lulzim Basha gjatë mbrëmjes së djeshme, takim i cili ka zgjatur rreth dy orë në zyrën e këtij të fundit në Tiranë.
Mësohet se në takim ka qenë e pranishme edhe ambasadorja e BE-së në Tiranë, Romana Vlahutin. Detajet për këtë takim nuk janë bërë ende të ditura.
Hahn gjatë pasdites së djeshme ishte në shoqërinë e kryeministrit Edi Rama në zonën e “Lungomares” në qytetin e Vlorës. Ndërkohë, më herët, po gjatë ditës së djeshme, kreu i Partisë Demokratike Lulzim Basha ishte shprehur në Parlament se “Edi Rama po përpiqet të gjejë çdo hile, çdo manovër çdo truk të mundshëm për të mos ndryshuar fatin e Roshëve, Tahirëve, Dakove dhe natyrisht fatin e tij. ‘Të ndryshojmë çdo gjë për të mos ndryshuar asgjë’, siç thotë siçiliani i famshëm”, theksoi Basha në Kuvend.