Kur kanë mbetur vetëm pak orë nga skadimi i afatit për të dorëzuar aplikimet për kryeprokuror të përgjithshëm të përkohëshëm, është zyrtarizuar kandidati i pestë.
Ai është Granit Shahu, prokuror në Tiranë. Më herët Shahu ka punuar në prokurorinë e Shkodrës dhe një muaj më parë ishte transferuar në kryeqytet.
Ai nuk ishte përfolur shumë në media dhe në radhët e drejtësisë njihet si një prokuror karriere.Më herët për këtë pozicion kishin dorëzuar aplikimet edhe Besnik Muçi, Ferdinand Elezi, Arta Marku dhe Arqile Koça. Aplikimet për kryeprokuror të përgjithshëm të përkohëshëm mbyllen sot në orën 18:00.