Ilir Meta, presidenti i Shqipërisë ka udhëtuar dje drejt Prishtinës dhe mëngjesin e sotëm uron shqiptarët me dy foto në profilin e tij zyrtar në rrjetet sociale për një javë të mbarë. Shefi i presidencës shqiptare ka zgjedhur mëngjesin e sotëm ta kalojë me kryeministrin e Kosovës Ramush Haradinaj, dhe me një shtrëngim duarsh dalin të dy në një park me borë.
Në një foto tjetër shfaqet në qendër të Prishtinës, përpara bustit të ish-presidentit të parë të Kosovës, Ibrahim Rugova, ndërkohë që ditën e djeshme, shqiptarët mbarë botës përkujtuan 12 vjetorin e ndarjes së tij nga jeta, 21 janarin e vitit 2006.
Kosova në shkurt feston 10 vjetorin e shpalljes së Pavarësisë, ndërkohë që vendi gjendet në një mosdakortësi të dukshme me komunitetin ndërkombëtar, sidomos për krijimin e Gjykatës Speciale. Bisedimet e liderëve nga Shqipëria me ata të Kosovës, janë shtuar shumë kohët e fundit,