Ish-ministri i Drejtësisë Ylli Manjani në përgjigje të statusit të deputetit të LSI Përparim Spahiu, ka bërë dhe një propozim të rëndësishëm.
Bëhet fjalë për heqjen e lekut nga qarkullimi, dhe zëvëndësimi me euro-n.
“Ne duhet ta heqim lekun fare nga qarkullimi. Duhet unifikuar ekonomia që të hyjë disi në varhen e rregullave”- ka komentuar ish-ministri në statusin e deputetit.
Sakaq, deputeti Spahiu shprehet se nuk ka asnjë rrezik që ekonomia të ketë vetëm një drejtim, dhe të jetë pikërisht ai i zëvëndësimit të lek-ut me euron-n.
“Lexova një artikull për “rrezikun” që i kanoset ekonomisë nga gjoja mbipërdorimi i EURO-s.
Them që nuk ka asnjë rrezik, madje ekonomia jonë duhet të ketë vetëm një drejtim, atë të zëvendësimit të LEK-ut me EURO-n. Janë mjaft vende të rajonit që e kanë bërë me kohë si proces.
Në këto ditë, alerti i vetëm i njerëzve të shkencës ekonomike për investitorë dhe ekonomi duhet të jetë rreziku i investimeve në Cryptocurrency , BITCOIN, si më e njohura.”- shkruan Spahiu.