Zbardhen anëtarët e PD të Komisionit Hetimor të çështjes ‘Tahiri’.
Kryetar
Edi Paloka,
Anëtarë
Enkelejd Alibeaj (PD)
Myslym Murrizi, (PD)
Flamur Noka (PD)
Endrit Braimllari( LSI)
Sot Parlamenti do të vendosë nëse do të ngrejë apo jo një komision hetimor për çështjen “Tahiri”.
Kërkesa e PD është depozituar në Kuvend rreth dy javë më parë për Komision Hetimor për të kontrolluar ligjshmërinë e veprimeve administrative të organeve të pushtetit legjislativ apo ekzekutiv në çështjen për të cilën akuzohet ish-ministri i Brendshëm Saimir Tahiri.
Objekt i komisionit të kërkuar nga PD, do të jenë edhe ndërhyrjet që janë bërë për të mos lejuar organin e Prokurorisë të hetojë penalisht këto raste. Në kërkesën e dorëzuar në Kuvend nga PD sqarohen edhe çështjet që do të hetohen nga Komisioni Hetimor që do të drejtohet nga opozita.