Është tensionuar situata nga protesta që po zhvillohet në “Rrugën e Kombit”. Protestuesit vijojnë të përplasen me forcat e policisë, ndërsa i kanë vënë flakën sporteleve ku paguhen taksat e kalimit.
Ndonëse, ishte njoftuar se protesta do të ishte paqësore, situata ka agravuar së tepërmi. Banorët janë përplasur me efektivët e policisë, ndërsa pretendojnë se janë provokuar nga këta të fundit.
Sakaq, raportohet për disa të lënduar për shkak të goditjeve me gurë.
