Ambasada amerikane në Tiranë ka disa këshilla për të gjithë ata shqiptarë që do të udhëtojnë drejt SHBA-ve për turizëm.
Në faqen zyrtare në “Facebook”, ambasada e SHBA-ve porosit që të zbatohen rregullat e vizës gjatë qëndrimit në shtetin amerikan. Ajo thotë se nuk duhet të shkelin afatet, nuk duhet të punojnë dhe as të studiojnë.
“🇦🇱 Unë dhe Kenny e dimë se shumë njerëz do të udhëtojnë për në SHBA këtë verë. Ne shpresojmë që t’ia kaloni sa më mirë, por kini parasysh që është shumë e rëndësishme të zbatoni rregullat e vizës gjatë vizitës tuaj në Shtetet e Bashkuara. Ku do të shkoni për pushime këtë verë? #PyetAnnën️”, shkruan ambada e SHBA-ve.