Një shpërthim zjarri misterioz me fuqinë e një bombe të vogël bërthamore, e cila u zbulua jo shumë larg bazës ajrore amerikane në Grenlandë, ka alarmuar një eksplorues hapësinor të NASA-s. Një tjetër kërkoi qetësi, duke thënë se mund të jetë edhe një raketë ruse.
Postimi i çuditshëm u zbulua nga Ron Baalke, një eksplorues hapësinor në Laboratorin Jet Propulsiv të NASA-s, në fund të korrikut. “Një flakë zjarri u zbulua mbi Grenlandë më 25 korrik 2018 nga sensorë të qeverisë amerikane në një lartësi prej 43.3 km,” shkroi ai. Energjia nga shpërthimi është vlerësuar të jetë 2.1 kilotonë.
Drejtori i Projektit të Informacionit Bërthamor në Federatën e Shkencëtarëve Amerikanë, Hans Kristensen tha se “meteori” shpërtheu “mbi radarin paralajmërues të raketave në bazën ajrore Thule”, baza më veriore e SHBA, e cila ka operuar në ishull që nga vitet 1940.
Shkencëtari nuk e ka përjashtuar mundësinë që “rusët ta bëjnë atë” shaka. “Ne jemi ende këtu, kështu që ata përfunduan në mënyrë korrekte se nuk ishte një raketë ruse”, shkroi ai, duke vënë në dukje se “ka pothuajse 2,000 nukleare të gatshme për t’u nisur”.