Dy persona, një shqiptar dhe një italian janë arrestuar nga karabinierët, ndërsa janë sekuestruar mbi 18 kg marijuanë dhe 7 g kokainë, e ndarë në 14 doza. Ky është rezultati i operacionit të zhvilluar në Osimo, pas kontrolleve kundër drogës.
“Ansa” shkruan se në shtëpinë e shqiptarit u gjetën 17 kg marijuanë, i ndarë në 17 pako, kokaina dhe para të gatshme.
Droga dhe paratë ishin fshehur në qese në garazh.
Dy të arrestuar, të pa martuar, janë dërguar në burgun Montacuto në Ancona me akuza për trajtimin dhe posedimin e drogës për qëllime tregtimi.