Gjeli i Detit cilësohet si mbreti i tryzës festive të Vitit të Ri. Por për familje të vogla një gjel i gatuar në mënyrën tradicional do të konsiderohej i shkuar dëm. Ndaj ne ju paraqesim një recetë alternative, jo vetëm në shije!
Gjeli i Detit i Pjekur i plotë dhe i shoqëruar me përshesh në mes të tavolinës festive dhe njerëzit më të dashur bashkë rreth tij është panorama ideale e festës së ndërrimit të viteve.
Por në kohët kur edhe familja shqiptarë për shumë arsye tashmë është rrudhur në mesatarisht katër persona, një gjel deti i plotë do të konsiderohej një harxhim i tepërt.
Ndaj ne ju paraqesim këtë recete alternative.
GJEL DETI ME PËRSHESH E PJEKUR NË LAKËR
Për të cilën duhen: Gjel Deti, Lakër, Gjalp, Vaj Ulliri, Djathë, Bukë të vjetër, Qepë, Kripë, Nemexhik dhe Rozmarinë.
Fillimisht përgatitet përsheshi, duke kavërdisur qepë me pak vaj ulliri e gjalp. Aty shtojmë bukë të vjetër të prerë në kubikë. Masës i shtohet pak lëng pule.
Një kokër e plotë lakre futet për disa minuta në një furrë në mënyrë që të zbutet
Nga gjeli i detit, prisni copa në varësi të personave që do të keni në tryezë.
Mishit i shtohet kripë dhe kavërdiset bashkë me erëza sipas dëshirës.
Më pas gjethet e lakrës mbushen me përsheshin dhe mishin e gjelit të detit dhe futet në pjekje.
Pas 3 -4 orësh në pjekje me temperaturë të ulët, është gati për tu shërbyer.
