Kryeministri Edi Rama reagoi për aksidentin tragjik të ndodhur pasditen e sotme në Tetovë ku gjetën vdekjen 13 persona si pasojë e rrëzimit të një autobusi.
Rama: Pikëllim për tragjedinë e autobusit në vendin fqinj të Maqedonisë së Veriut, ku numri i viktimave e të plagosurve ka tronditur e shqetësuar aq shumë familje. U jemi pranë shpirtërisht të gjitha familjeve dhe të gjithë vendit mik.
Edhe presidenti Ilir Meta thotë se është thellësisht i prekur dhe i trishtuar nga lajmi tronditës i humbjes së jetëve në tragjedinë e autobusit në autostradën Shkup – Tetovë.
Meta: Në këto momente të vështira jam shpirtërisht pranë familjeve të lënduara nga kjo tragjedi, të afërmve e miqve të viktimave dhe pranë të gjithë qytetarëve të Maqedonisë së Veriut të prekur prej saj! Ngushëllimet e sinqerta dhe solidaritet vëllazëror! Urim të sinqertë për një shërim të shpejtë për të gjithë të plagosurit!
Aksidenti tragjik në aksin Shkup-Tetovë, 13 të vdekur pas përmbysjes së autobusit