I kthyer ne nje model te veçantë promovimi por edhe përfshirje, muzeu kombëtar i fotografisë ”Marubi” organizoi workshopin e radhës kushtuar ditës së të dashuruarve, të emertuar “Marubi Loves Collage”. Pjesë e tij u bënë nxënësit e shkollave 9 vjeçare të cilët ndërtuan disa kolazhe me fotografi nga arkiva e Marubit. Përzgjedhja ka synuar që përmes fëmijëve të nxirren në pah detaje që nuk arrijnë t’i shohin të rinjtë, duke sjellë kështu një tjetër këndvështrim mbi fotografinë e parë me syrin e dashurisë.
Kartolina urimi për ditën e të dashuruarve me kolazhe fotografish nga arkiva e Marubit do të jetë pjesë e koleksionit të aktiviteteve vjetore të shumta që janë parashikuar nga ky institucion i kthyer sot ne epiqender të turizmit për qarkun Shkoder.
