Pas akuzave të bashkisë Lezhë, inspektoriati i punës në këtë qark ka zbarkuar me kontrolle në subjektet private për kushtet e punës, pagesat e sigurimeve të punonjësve etj. Në subjektet e para të inspektuara, drejtori i këtij inspektoriati Valentin Gjetja sqaron se grupi i punës ka marrë në pyetje punonjësit, janë kontrolluar dokumentacionet përkatese dhe nuk jane hasur shkelje. Gjithsesi subjektet do të mbahen në monitorim, për të mos u gjendur përballë të tilla rasteve shton ai.
Numri dy i bashkisë Lezhë Alfrida Marku denoncon pak ditë më parë bizneset fason dhe konfeksionet se abuzojnë me punonjësit duke i paguar nën minimalen e përcaktuar nga shteti dhe duke ju mohuar sigurimin shendetesor.
