Ajo klasifikohet si një nga zonat më të bukura të bregdetit shqiptar, edhe pse në guidat turistike ka gjetur pak hapësira. Një prej shkaqeve që ka privuar Ranën e Hedhun në Shëngjin ka qënë infrastruktura rrugore. Pushteti vendor nuk mori asnjë masë për vite me radhë dhe përballë indiferencës së këtij të fundit, zgjodhi të reagojë vetë komuniteti i biznesit, i cili me kontributet e veta ka shtruar 2.5 kilometrat e kësaj rruge. Pushuesit që po e eksplorojnë për herë të parë zonën e Ranës së Hedhun shprehen të mrekulluar me bukuritë që po shijojnë, ndërsa ata që kanë qënë më herët theksojnë se ndryshimi është i dukshëm.
Një investim i tillë, edhe pse modest dhe nuk ploteson standartet e kërkuara, pritet t’i sjell një tjetër zhvillim kësaj zone me një natyre dhe bregdet të pakrahasueshëm.
