Pjesa e parë e ditës mbizotërohet nga vranësira dhe shira në bregdet dhe zonat e ulëta por reshje dëbore priten në të gjithë zonën malore, më të dukshme në zonat veriore dhe verilindore.
Sipas MeteoAlb, parashikohet që në mesditë dhe vijim të ketë ndërprerje të reshjeve si edhe përmirësim të kushteve atmosferike në të gjithë vendin ku kthjellimet do të jenë prezente por do të jetë ftohtë pasi masat polare futen drejt Ballkanit.
Temperaturat e ajrit do të pësojnë sërish rënie në mëngjes dhe mesditë, duke luhatur vlerat ditore nga -2°C deri në 13°C.
Era do të fryjë mesatare deri e fortë me shpejtësi 60 km/h nga drejtimi verior-verilindor, për pasojë në brigjet detare do të krijohet dallgëzim 5 ballë.