Mijëra qytetarë i dhanë lamtumirën policit të vrarë, Afrim Bunjaku, i cili sot u shpall hero. Kryeministri Albin Kurti u shpreh se para se ai të varroset si hero në tokën e tij, portreti dhe profili i tij të skalitet në mbamendjen kolektive.
”Rënia në detyrë e rreshter, Afrim Bunjakut, i veshur në uniformën e Policisë së Kosovës, është një sakrificë në betejën e Kosovës për ligj dhe kushtetueshmëri, drejtësi e të drejta për çdo qytetar të Kosovës, pa dallim”,-tha Kurti.
Po ashtu kryeministri Kurti theksoi edhe se me terrorin dhe krimin, nuk ka kompromis. “Përballë këtyre strukturave armiqësore, do të ngadhënjejë Kosova me përpjekjen e saj legjitime për rend dhe ligj dhe sovranitet në gjithë territorin e Republikës së Kosovës dhe të gjithë qytetarët e saj”, tha ai.
