Gjysëm të verteta të bëra publike nga organi i akuzës. Kështu i ka cilësuar ish-drejtori i Vlerësimit Tatimor në Shkoder Agron Ramadani akuzat e prokurorisë për favorizim rimbursimi të TVSH-së për 4 subjekte në vlerën 200 mijë euro, ku ky i fundit sëbashku me drejtorin aktual të tatimeve Hysen Hysaj dhe ish inspektoren janë derguar në gjykatë.
Përgjigjia nga drejtoresha e përgjithshme e tatimeve asokohe Briseida Shehaj ka qënë zhgënjyese, ndërsa ai shton se disponon për këto akuza edhe regjistrime audio – vizive.
Prokuroria e Shkodrës ka përfunduar hetimet dhe ka dërguar për gjykim dy ish-drejtuesit kryesorë të Drejtorisë Rajonale të Tatimeve, Hysen Hysaj dhe Agron Ramadani, të akuzuar për “Shpërdorim detyre”. Hetimi ndaj tyre nisi në vitin 2016, ndërsa për çështjen në fjalë ka qënë e thirrur në prokurorinë e Shkodres pak muaj më parë edhe ish drejtoresha Shehaj.
