Për të tretin vit radhazi, famullia e “Shën Shtjefnit” zgjodhi të urojë besimtarët e saj për festën e ringjalljes së Jezu Krishtit me koncertin “Pashkë në Jazz”.
Interpretime brilante erdhën në sallën “Kardinal Mikel Koliqi” për besimtarët e pranishëm, si dhe drejtuesit e kishës katolike, ndërsa risi e këtij viti ishin të gjitha këngët shqip.
Repertori i përzgjedhur në këtë mbrëmje ishte i veçantë dhe ai u mirëprit nga të pranishmit të cilët nuk kursyen duartrokitjet e shumta. Pashkë do të thotë kalim dhe për besimtarët e Krishterë ajo simbolizon triumfin e jetës mbi vdekjen. Koncerti tradicional i Pashkëve mbyll kështu edhe festimet e parashikuara nga Kisha Katolike në Shkoder.
