Mediat italiane kanë publikuar detaje të reja nga aksidenti i rëndë në Treviso, ku edhe një i ri shqiptar ka humbur jetën.
Viktimat janë të gjithë të rinj të moshë nga 18 deri në 19 vjeç, ndërsa makina është përmbysur në kthesë dhe ka përfunduar në kanal pasi është përplasur me një pemë. Ata janë Daniele De Re, Marco Da Re, Daniele Ortolan dhe shqiptari Xhuliano Kellici.
Aksidenti i të rinjve ndodhi natën ndërmjet të shtunës 13 gusht dhe të dielës 14, pak para orës 2:30, dhe djemtë po ktheheshin në shtëpi pas një nate të kaluar jashtë, por përplasja me një pemë rezultoi fatale.