Ministrja e Europës dhe e Punëve të Jashtme, Olta Xhaçka ka mbajtur fjalën e saj në sesionin urgjent të Asamblesë së Përgjithshme të OKB në 1-vjetorin e sulmit rus në Ukrainë.
Xhaçka është shprehur se agresioni i Rusisë ndaj Ukrainës është dënuar me votë dërrmuese përmes një sërë rezolutash nga Asambleja e Përgjithshme e OKB-së.
Po ashtu ministrja Xhaçka ka deklaruar se Shqipëria mbështet plotësisht rezolutën e Asamblesë së Përgjithshme për paqe në Ukrainë teksa ka shtuar se besojmë se kjo asamble do të votojë në mbështetje të kësaj rezolute.
Ajo është shprehur në emër të Shqipërisë për kundërshtimin e amendamenteve armiqësore të paraqitura nga Bjellorusia.
