Një përballje e fotografisë klasike me atë eksperimentuese. E tillë erdhi mbrëmjen e së shtunes në qytetin e Shkodres, ekspozita “2×15” e artistit Kosovar Fahredin Spahija me fotografen shkodrane Rozafa Shpuza. Dy botë, dy identitete që frymojnë bashkarisht brenda një hapësire të vetme, plot ndjeshmëri!
Dy autorët prezantuan nga 15 punë secili, e këtë mishërim ja dhanë që në emertimin që i bënë ekspozitës. Nga fëmijët tek të moshuarit, nga reflektimi tek nudoja artistike, apo momente të ndryshme nga jeta jonë e parë përmes objektivit të aparatit, kjo ekspozitë solli të veçantën e saj për publikun e pranishëm.
