Kryeministri Edi Rama ka zhvilluar paraditen e sotme një takim me Presidentin Bajram Begaj në institucionin e Presidencës.
Takimi i Ramës me Begajn ka zgjatur rreth 50 minuta, por nuk dihen arsyet e kësaj vizite të kryeministrit në Presidencë.
Ky takim vjen vetëm një ditë pasi kreu i qeverisë mbajti një mbledhje me kabinetin qeveritar.
Mësohet se kreu i qeverisë do të vijojë edhe sot me mbledhjet. Pas Begajt, Rama pritet të takohet me drejtorët e përgjithshëm të institucioneve, dhe më vonë me drejtuesit e qarqeve.
