Ish-presidenti Ilir Meta ka shpërthyer në kritika kundër ministrit të Brendshëm Bledi Çuçi lidhur me tragjedinë e pak ditëve më parë në plazhin e Potamit në Himarë.
“Turp të ketë Ministri i Brendshëm që në vend të bëjë një ngushëllim, merret me Sali Berishën. Pse Sali Berisha ia ka fajin që merret me njerëz të droguar? Berisha ia ka fajin që nuk ka një komunikate të gjatë për të gjithë ngjarjen. Pse Berisha e ka fajin për manipulimet e Elbasanit? Këtë lloj policie kanë krijuar këta. Në Elbasan u vranë njerëzit, kur dalin të fortët, policia shtrihet barkas se kështu policie kanë krijuar”, tha Meta.
