Kryetari i Kuvendit, Gramoz Ruçi i ndërpreu fjalën sot në seancë deputetit të PD, Luçiano Boçi me argumentin se çeshtjet e procedurës diskutohen në fund të seancës dhe jo gjatë rendit të ditës.
Deputeti shfrytëzon rrjetet sociale dhe i kthen përgjithe Ruçit, i cili e kritikoi duke i thënë që të mësojë të flasë në foltore.
Sipas Boçit, kryetari i kuvendit nuk artikulon drejt as emrat e deputetëve dhe se bën si “i forti” i rregullores.
“E disata herë që “pushka model 56” e Ramës i ndëpret fjalën në kuvend opozitës!!!
Ky është “I kulturuari” Gramoz që nuk artikulon drejt as emrat e deputetëve dhe që “erudicionin” e tij e investon të gjithin për të kuptuar brendinë e procedurës.
Se sa arrin të kuptojë, nuk mund ta them, por për kompesim bën si “i forti” i rregullores.
Koha e “gramozëve” duhet të kishte perënduar me kohë por e sotmja ka dhe hijet e së kaluarës.
Në 27 janar të gjithë kemi një shans:
Të grisim hijet e “pushkatarëve” që vranë të rinj në tentativë kalimi kufiri dhe sot përdorin cdo mënyrë “të pushkatojnë” të ardhmen e këtij vendi”, shkruan Boçi.