Ish-kryeministri Sali Berisha ka reaguar lidhur me deklaratën e sotme të kryeministrit që bandat e krimit të shkonin në ferr.
Berisha në mesazhin e tij në ‘Facebook’ nuk ka kursyer ironinë për Ramës, që sipas tij bëri një mallkim plakash. Në këtë linjë ish-lideri i demokratëve shton se kjo është forma për të luftuar krimit.
“Rama kercenon bandat me mallkim plakash: “ne ferr shkofshin te gjithe!!” Kesaj i thone lufte kunder krimit te organizuar!?!? Sb”, citohet në mesazhin e Berishës.
Ditën e sotme Rama gjatë një takimi me punonjës të Policisë së Shtetit bëri një mallkim për grupet kriminale, dhe vrasjeve të ndodhura në muajt e fundit. “Po vriten mes bandave, në ferr shkofshin të gjithë, por mos rrezikojnë qytetarët e pafajshëm”, u shpreh kryeministri.