Lëvizja Rinore për Integrim ka ftuar të rinjtë dhe të rejat që t’i bashkohen protestave të opozitës. Nga selia e LSI-së, drejtues të LRI-së kanë apeluar që çdo i ri dhe e re e Shqipërisë duhet të ngrihet për t’i thënë jo kësaj qeverie e cila po keqqeveris vendin.
“Duhet të ftojmë të rinjtë dhe të rejat të bashkohen me protestat, të çohen jo vetëm për veten e tyre, por edhe për familjet shqiptare. Të gjithë të rinjtë dhe të rejat për çdo problem që kanë, qoftë për arsimin apo vendet e munguara të punës, duhet t’i bashkohen protestave”, thuhet në mesazhin e LRI-së drejtuar të rinjve dhe të rejave.