Publikohet vendimi për lirimin nga detyra të Drejtorit të Përgjithshëm të Policisë së Shtetit, Haki Çako.
Vendimi që hyn menjëherë në fuqi u publikua në faqen e Këshillit të Ministrave katër orë pas publikimit të lajmit.
V E N D I M
PËR
LIRIMIN NGA DETYRA TË DREJTORIT TË PËRGJITHSHËM TË POLICISË SË SHTETIT
Në mbështetje të nenit 100 të Kushtetutës dhe të pikës 3, të nenit 15, të ligjit nr.108/2014, “Për Policinë e Shtetit”, të ndryshuar, me propozimin e ministrit të Brendshëm, Këshilli i Ministrave
VENDOSI:
Z. Haki Çako, Drejtor i Përgjithshëm i Policisë së Shtetit, lirohet nga kjo detyrë.
Ky vendim hyn në fuqi menjëherë.
KRYEMINISTRI
EDI RAMA