Ajo që mbetet për të vlerësuar nga protesta e opozitës është pjesëmarrja. Sa ka qenë numri i qytetarëve që iu përgjigjen thirrjes së opozitës për të dalë në shesh?
Në lidhje me këtë ende nuk ka një shifër zyrtare për pjesëmarrje, por aludimet e para kanë filluar të qarkullojnë.
DW në shqip në një shkrim të saj, referuar burimeve nga PD, thotë se “pjesëmarrja ishte 30 herë më shumë duke e çuar shifrën në 300 mijë vetë”.
Ndërsa ish-kryeministri Sali Berisha, në një postim në facebook thotë se qytetarët në shesh ishin mbi 500 mijë.
“Foto e jashtezakonshme e dronit te Narkopolicise, te mbi 500 mije protestusve, qe tmerroi deri ne palce dhe bukosi Noriegen dhe kliken e tij! Nderim te madh qytetareve qe ngriten ne Tirane tsunamin e shpreses dhe te fitores!”, shkruan Sali Berisha.
Policia e Shtetit nga ana e saj nuk ka dhënë asnjë shifër zyrtare për pjesëmarrje. Kurse ministria e Brendshme në një njoftim për mediat bëri me dije se “policia e shtetit ia doli mbanë të administrojë lëvizjen në akset rrugore të 70 autobuzëve dhe 90 minibuzëve, furgonave dhe automjeteve të tjera që sollën nga 12 qarqet e vendit protestuesit në Tiranë”.