Dy të rinj shqiptarë janë arrestuar nga policia në Xhenova të Italisë, teksa u kapën me 1 kg kokainë dhe dy pistoleta.
Dy të rinjtë u arrestuan në flagrancë për vepra penale të lidhura me drogën dhe mbajtjen e armëve të vjedhura.
Njëri prej tyre nuk kishte leje qëndrimi, ndërsa kishte histori kriminale të lidhura me krime kundër pronës, ndërsa tjetri qëndronte në Itali për periudhë të shkurtër.
Arrestimet e tyre erdhën pasi bënë gabimin e zakonshëm të shumë prej shitësve të rinj të drogës; lëvizjet e dyshimta.
Patrullat e policisë kishin pikasur shqiptarët duke qarkulluar shpesh në zonë ndërmjet Casaregis dhe Ruspolit pas pasur arsye të veçanta. Kjo çoi më pas në identifikimin e shtëpisë ku ata jetonin në Xhenova.
Pas disa ditësh kërkimesh në shtëpinë e tyre u gjetën 10 mijë euro para të gatshme, të dyshuara si të përfituara nga trafiku i drogës.
Kërkimet gjetën edhe sasinë prej 1 kg drogë e pastër, e ndarë në pako si dhe armët që ishin vjedhura në Liguria.
Të dy të dyshuarit u arrestuan dhe u transferuan në burgun Marassi në pritje të seancës së vlefshmërisë së arrestimit të tyre.